Archive for 6月, 2010
今次試用既係…Lancome 新品, Virtuose Precious Cell 極緻超捲曲纖長睫毛液~ 首先要多謝先~!!! Heeehe~
Virtuôse Precious Cells 蘊含增強濃密睫毛複合物 ，這包括原用品牌Absolue Precious Cells護膚霜的植物萃取 Malus domestica，它可有效重整理想的皮層幹細胞環境，讓睫毛健康茁壯。
此外，Lancôme 更首次於採用修護毛囊研星級成分─ 雷公根萃取，它有效用治療和預防頭髮脫落問題，同時促進血液微循環，令睫毛顯注更生。
試用後感
打開使用即時感覺是掃頭夠大，加上孤形掃頭，切合睫毛形狀，很好掃。掃上後，睫毛亦明顯增長及豐富了。
產品本身有治療和預防睫毛脫落問題，同時促進血液微循環，令睫毛顯注更生。 因為只使用了2星期，效果並不明顯。
缺點是其防油功能，我是一名 “油人”, 睫毛液很快就跟我say bye 了!! 不過卸妝就很容易, 用卸妝綿+卸妝油, 輕輕一按再拭去, 就乾乾淨淨。
以下圖片是使用前及後, 前後均沒有使用夾睫毛, 可以令大家睇得清楚d!
我呢支應該是試用品吧, 只有2ml, 貨size 是這樣的! 樣子很吸引吧~
上次講完防曬, 今次就繼續講美白丫~
見過我既, 都知道我唔係o個d陽光型女孩,
總是陰陰沈沈的?
哈哈!~ 唔係, 我係想講, 我唔係鍾意同陽光玩遊戲既女仔,
所以一向都唔注重防曬同美白!!Secret Key – SKII 的聚會~ , 今次輪到試用產品分享了~
但隨住年紀既增長, 再加上我年少時不懂保養 (連防曬產品都唔用嫁..><..), 而導致黑色素既累積, 面色總是灰灰暗暗的!!
雖不是擁有陽光般的健康膚色, 亦沒有令我羨慕的白白雞蛋殼!!
繼上次分享過出席
就係佢地喇~ Cellumination 環采鑽白兩寶!!!
左: Cellumination Essence 環采鑽白精華
右: Cellumination Deep Surge 環采鑽白修護霜
先說Cellumination Essence 環采鑽白精華, 見到圖內既3個圈圈嘛?
就是它的秘密!! – 全新鑽白複方!
- “De-Melano P3C TM”, 能有效抑制黑色素的傳遞及形成!
- “Pitera”… 唔使講, 大家都聽過啦~ 係SKII皇牌成份, 高效修護, 改善根本膚質, 都係可以效抑制黑色素形成嫁~
- “Talapewhite TM” , 即係美白積雪精華, (個名好靚啊~) 幫助肌膚表層緊緻有彈性, 退暗黃呢~
除左日間既防曬美白, 夜晚就係修護既最佳時間!!
“Cellumination Deep Surge 環采鑽白修護霜” 令肌膚可於晚間繼續美白
它專門針對改善膚色, 於睡眠間持續發放環采鑽白複方長達6小時!!
佢仲高度保濕, 又可以改善肌膚黯黃, 又可以提升緊緻度, 真係一舉多得!!
用了多個星期既結果, 雖沒有預期的大白, 但肌膚真係透亮了很多!
特別愛用”Cellumination Deep Surge 環采鑽白修護霜“,
只需要它, 就可於晚間修護, 美白, 緊緻, 及我最愛既保濕, 真的很方便啊!!
其實我更愛用它作按摩, 每晚按摩完, 肌膚真的吸收了很多很多鑽白複方
明早起床, 肌膚真的透亮了!
而且仲因為按摩的關係, 緊緻了!
所以送上SKII教我既按摩法比大家參考!!!
佢係”bump”裝設計, 好方便, 而且好乾淨tim!!!
早晚使用, 約0.5ml既份量, 加埋按摩手法, 肌膚吸收得好快, 唔過潤!
用完神仙水再搽, 可放大其功效啊!!
* SKII 日本科技研發中心發現, 79%使用者7日後, 肌膚亮度得到改善!!
祝大家都可以成為一個白白淨淨既美人兒!!!
早前參加左Neutrogena 既一個美白防曬新基準分享會,
會上有Dr. Grace Lam分享她的美容心得, 當然唔少得使用美白防曬產品既正確方法啦!!!
Dr. Lam 係皮膚學碩士醫生, 除左係一間皮膚治療中心既創辦人兼醫務總監外, 佢仲出左兩本學醫美容書, 所以今次有佢既分享, 真係獲益良多, 我仲爭取機會問左佢問題tim呀!!~
想問問你地係點搽防曬嫁???
一早輕輕搽一次, 之後就上妝??
or 去戶外郊區, 沙灘, 游水先會搽既呢??
咁一日咁長, 又會唔會補搽既呢??
老實講, 我以前係唔搽防曬嫁…
一來覺得防曬係去沙灘或者全日既戶外活動先搽既!
二來, o個d防曬產品總係好lup, 會搞到d膚色白晒咁~
當然啦, 經過時間既洗禮, 唔搽防曬既結果就係…
有色斑, 缺水, 乾乾的, 老化, collagen流失等… 唉~
嚮各大beauty forum打滾了幾年,
早幾年終於打破心理障礙, 開始試用防曬產品!
主要係搵一d唔lup, 清爽又有口碑既品牌!
因為我知道…如果用得唔岩, 咁效果就當然唔好, 唔夠, or 浪費啦~
according to Dr. Lam, 標準用量應該係2mg/cm square,
如果係乳霜狀既, 大約係一個$10 coin 咁大; 如果係乳液狀既, 大約係3-4條手指咁長!
你地用開既用量又幾多呢?? 我就真係冇用咁多, 咁即係話搽左既防曬效能會自動減少呢…! 睇下呢個graph!!!
今次又有機會試新野喇….!
嚮分享會上, 有機會用紫外光機測驗Neutrogena 既幾隻防曬產品,
會上仲提供另一品牌既防曬作對比tim!!
試紙若果受到紫外光照射, 就會變”紫色”嫁喇~
測試開始, 睇下幾大分別?? Neutrogena o個個受保護既位置白好多呢~
(呢支受測試既係 Neutrongea 美白防曬-細白隔離乳液 SPF50+ PA+++!)
但係, 我最有興趣既都係… Neutrogena 既呢隻”調色防曬-輕透無感早效UV防曬露 (SPF50+ PA+++)
佢有兩個顏色:
1) 粉色- 修飾膚色不均及暗沉, 表現白裡透紅既美感
2) 紫色- 修飾偏黃膚色及暗沉, 令肌膚剔透亮麗
測試呢兩隻顏色, 結果係一樣嫁.. 所以唔使擔心D顏色會影響防曬度!!
其實Neutrogena 既防曬產品都加有全球獨有既唯一穩定抗曬科技 “Helioplex”,
作用係包圍及保護防曬成份!
你地知唔知, 其實你搽既防曬, 一見光, 就會被陽光分解左一部份,
所以呢隻”Helioplex”, 可以令防曬能力提升3倍, 令防曬更持久穩定~
但要注意, 雖然更持久更穩定, 都仲係要補搽嫁~
Dr. Lam 建議每天早上搽完, 下午出街食飯前都最好補一補, 咁就good喇!!
因為屋企已經有支紫色, 所以今次揀左粉紅色黎試!
- texture 真係唔錯, 一d都唔lup, 水水的當然易推開啦~
(咁清爽, 原來係有美國Dry Touch清爽膚觸配方, 令肌膚迅速吸收!)
- 防曬度如何就真係唔知喇, 唯有靠之前分享會既測試作準~
- 調色又如何呢?? 又ok喎! 唔會出現死白既情況!
含有調色waterlight 配方, 可能係因為呢種配方含超微細珍珠調色因子,
搽上面後, 透明感即時增加, 光光的!
- 雖然經皮膚科醫生測試, 不阻塞毛孔, 不含PABA,不含油脂, 但要記住, 搽左防曬都要卸妝嫁!!
哎呀, 又係好多字tim…! 但希望以上既資訊幫到你地啦~ !!!
