Archive for 12月, 2009
LOREAL Revitalift Mask ~ 緊貼提升舒展面膜
集合左緊緻, 提升, 抗皺同保濕四大功效既mask!
我諗你地都有睇過, 由中國美人..鞏俐小姐所拍既廣告,
Loreal 之所以找接近45歲的鞏小姐來擔任此產品的代言人,
原因其實好簡單, 就是要切合呢隻mask既賣點…. 緊緻+抗皺!
年紀越大, 肌膚要接受既挑戰日益增加,
所以我地所選擇既護膚品功能亦相對地改變及提高!
為左令第時要做既功夫少d, 都係早d開始保養好d~ !
講返隻mask 先, 佢有pro-retional A, 即維他命原A, 係一隻高效抗皺成份!
仲有Fibre-elastyl, 活性多維緊緻素, 專利緊緻活性成份, 保護彈力蛋白纖維, 防止退化!
保濕就靠Hylaluronic acid… 咪係透明質酸囉~
以上既成份未必個個了解, 我地呢d消費者都係睇成效既o者~
成效又如何呢??
坦白講, 抗皺並唔係一朝一席既事,
今次既試用係絕對唔能夠睇到成果, sorry 喇!!
但緊緻同保濕就要講一講喇~
雖然佢建議每週使用2次, 但我就唔聽話, 隔兩日就用一塊,
就係咁, 話咁快就試完一盒!
用完一盒五塊之後, 肌膚感覺有好彈性, 水潤潤咁,更充滿光澤感!
呢種感覺, 並唔係一時三刻, 而係持續出現! 感覺好正~
當我第一次使用呢隻mask時, 一打開, 真係濕潤潤嫁…
d 精華素杰杰地, 就算fu完15mins, 仲睇得出塊mask重有好多精華係未吸收晒!
fu上面時, 要展開塊mask, 佢係由柔軟可舒展的織布而製成, 係專為asian臉型而設計嫁,
塊mask的而且確係非常貼面, 有助肌膚吸收其精華素,
但其他當我”展開”塊mask時, 真係搞到成手都係, 好似好浪費咁囉~
所以呢個係一個小小既缺點!
fu 完15mins, 仲有dd 精華留左嚮塊面既表面, 梗係要輕輕按摩等佢吸收啦~
總括黎講, 呢塊mask係完全可以達到佢所講既4大優點之3…”緊緻”, “提升”同”保濕”!
“抗皺”並唔係做唔到, 而係我暫時測試唔到,
所以大家值得一試!!
但要記住啊, 所有護膚品, 護膚程序都要持之以恆, 先會有理想既效果嫁~!!
想提升提升再提升!, 就要比心機喇~
(搵左好耐都搵唔到card reader, 聽日先up 相~ sorry!)