Samantha 的小圈子

搜尋：

關於

首先要多謝 “ Janice Lam “  “theZtyle” 同 “Biotherm” 比左呢次既試用機會我~ “thanks!!”

今次試既既係 BIOTHERM White D-TOX [Cellular] Make-up Base 紅海藻淨白調色底霜 SPF 25/ PA++!

o個日嚮tst跳完舞就去拎喇~
今次係去tst 重慶站CKE商場… 講真, 我係第一次去呢度呢~…
因為我平時係唔會行近重慶大廈, even 知道好多人都讚o個度d 咖哩好好味…~
o個間shop都幾難搵呢… 好彩多得有心sis既幫忙, 先咁快搵到~ thanks!!
(有少少off topic tim.. sorry!)

呢條”紅海藻淨白”line 係biotherm 新既美白秘方…
“Biotherm特別採用了來自大西洋深處的天然掌狀紅海藻，加入全新的美白系列White D-Tox當中。經測驗證實亞洲女士在使用後，光澤感提升達69%，而使用5日後，更有79%女士肌膚變得淨白通透，在使用4星期後，其中81%的女士的 色斑明顯變得白晢。紅海藻淨白系列更得到日本政府厚生省認可為「醫藥部外品」，美白作用有一定保證。”

今次我試用既底霜:

WHITE D-TOX [CELLULAR] Make-up Base SPF 25 PA++紅海藻淨白調色底霜SPF 25 PA++

一共有5隻色~

白色：亮白、提升透明感
象牙色：自然、遮蓋黑眼圈
珊瑚色：去除灰沉黯黑
淡紫色：改善偏黃膚色
淡綠色：調節偏紅膚色

幼滑的珍珠色微粒及粉末、Mexoryl®SX/XL專利雙重濾光系統 、紅海藻萃取物、植物排毒復合物（小麥胚芽和非洲欖仁精華）、溫泉礦物復合物、溫泉有機活性因子!

一支底霜就具有徹底美白﹑智能調色﹑全面防護。新加入的紅海藻萃取液能減少黑色素的產生及活躍程度，加上珍珠粉末，能針對性修飾肌膚亮度，令上妝更易。通過測試證實不會阻塞先孔，適用於任何肌膚。

根據biotherm 既website, 呢支base 只須20秒即時均勻膚色，令肌膚平滑，上妝更貼服。並訂造5款不同色澤，針對亞洲女性不勻膚色，智能調節。專利Mexoryl®SX/XL防曬科技帶來360度全面防護。不化妝的日子亦可單用作保護作用。

以上既係官方資料, 黎緊既就係我試用既分享喇~

我試用既顏色係”淡紫色”, 有改善偏黃膚色既功用… 對於我地呢d中國既女性, 偏黃既膚色往往帶比我地好多煩惱!

睇下呢張photo, 好明顯就可以睇到用前同用後既分別…
真係白左, 光左同透明左呢~!!

我從未試用既biotherm 既base, 今次真係一大驚喜呀!~
呢隻base 好滑, 仲好易推開…隻味仲好好香tim~
(個人黎講, 我好注意pdt 既味道, 如果我覺得佢味道難聞, 我唔可以容忍佢留嚮我皮膚上嫁~ …係唔係好怪呢?…哈哈)

呢支base 有spf25 pa++, 如果係for返公司既一般OL應該足夠…
但如果係要出街行既話, 就要搽防曬先喇~ ^^

而呢支base既coverage, 我本人就覺得略為不足~
雖然搽左呢支base, 會白d, 睇落去仲好滑, 但細心d就會留意佢cover唔到我”粗大”既毛孔…><…
我一向用開sofxxx既base, coverage 確實比biotherm 呢支好, 但好明顯既係… biotherm o個支搽完之後係會滑d, 透明感係高d!~

我一向唔多搽粉底, (except some special 既 function),
但若果係呢支base 既話, 要多搽concealer喇~!

我試用左3日, 頭2日就係返工, 第3日就出左去行街街~
大家都知道, 若果返office既OL, 好多時最擔心既係皮膚既水份比air-con抽乾, 我都唔例外~
平日既話, 一到下午, 就會因為皮膚缺水而出油, 就要急急去補妝! 真係煩透嫁!
但試用呢兩日, 出乎意料地, 少左出油呀!!
biotherm 既pdt一向好注重補水… 我諗都係因為呢個原因, 所以我出少左油呢~
真係方便左好多呢~
就算係第3日出街, 嚮呢個咁hot既天氣, 真係快左出油, 但一早出街, 到3-4點先須要補妝~
真係唔錯!!~

總括黎講, BIOTHERM White D-TOX [Cellular] Make-up Base 紅海藻淨白調色底霜 SPF 25/ PA++, 真係值得一試!!
最重要係唔好忘記佢既美白功效, 我只試用了3日, 呢方便就要遲d先report到喇~!!!

p.s…. 第一次用”光影魔術手”黎處理過相片…. 請各位唔好見怪啊!
我會比心機去學多d, 整靚d嫁喇~ ~